هل هلالك..
شهر معظم..
شهر العزة وشهر الثورة
نِسمة نخوة..
هالّة علينا…
من أحضان شقيقتنا الخضرا
فرصة ولازم..
راح نمسكها
هي الفرصة بتيجي غير مرة؟؟
دم وفاير..
في عروق شابة
وعيون قايدة زي الجمرة
وملايين رايحة عالميادين
لاجل عيون..
مولاتنا السمرا
اللي اتسرقت..
واللي اتهانت..
وسنين عاشت فيها مش حرة
هلل..كبّر
صلي و سلم
قول يامحمد..قولي يا عدرا
عيش..حرية..
عدل و عِزة
بقي ده كتير علي ملايين صابرة؟؟
شعب عظيم..
وعِرِف منزلته
لاتقول زعما ولا تقول أُمرا
ـــــــــــــــــــــــــــــــــــــــــــــــــــــــــ
التصنيفات : غير مصنف |
